Topi: Ne jemi në politikë për të rikonsideruar të djathtën

Topi-qytetarëve: Votoni nr.66, numrin e fitores së FRD

Fryma e Re Demokratike zhvilloi sot një takim me qytetarët në Berat. Në një frymë entuziaste të simpatizantëve të FRD-së në Berat u prezantuan kandidatët për deputetë në këtë qark.

Kryetari Bamir Topi duke u ndalur në vizionin dhe filozofinë e FRD-së deklaroi se kjo force politike vlerëson shumë rikonsiderimin e së djathtës si dhe rizgjimin e vlerave që janë harruar nga pushteti aktual. Në 23 qershor vazhdoi z.Topi ne konkurojmë të vetëm por nuk jemi të vetmuar: “Mbështetja për FRD-në është e fuqishme, ajo ndjehet në çdo takim me mbështetës e simpatizantë”. Ai u bëri thirrje gjithë shqiptarëve të mos bien preh e premtimeve boshe dhe të përsëritura nga faktorët destruktivë në politikë që shohin vetëm interesat e ngushta të karrigeve të tyre dhe jo interesat gjithpërfshirëse të qytetarëve.

Duke u ndalur në vlerat ekonomike dhe historike të qytetit të njëmijë dritareve siç quhet Berati, kryetari i FRD-së theksoi papërgjegjshmërinë e qeverisë për ti vlerësuar këto burime në dobi të zhvillimit të zonës. Vetëm disa muaj më parë në qytetin tuaj tha z.Topi u dhunua sërisht shtëpia muze e Onufrit, kalaja e Beratit ka mbetur e rrënuar nga politika dritëshkurtër e qeverisë. Kjo politikë që mundohet të riciklojë pushtetin, vazhdoi ai, nuk meriton të votohet.

Gjithashtu kryetari Bamir Topi nxiti kandidatët për deputetë të qarkut të Beratit të vlerësojnë gjatë ditëve të fushatës çdo komunikim, të hyjnë në çdo shtëpi sepse misioni i FRD-së nuk janë paratë por ndershmëria dhe pasqyrimi i programit të saj.

Duke ju drejtuar në mënyrë të vecantë qytetarëve indiferentë në këtë atmosferë zgjedhore z.Topi tha: “ Mos e lini fatin tuaj në dorë të manipulatorëve, dilni në votime dhe vlerësoni të ardhmen e familjeve tuaja. Shfrytëzojeni mundësinë që ju ka dhënë kushtetuta për të zgjedhur vetë ju pushtetin.”

Së fundi z.Topi u tha qytetarëve në Berat se FRD ka një program të qartë dhe bindës, prandaj në 23 qershor votoni numrin 66, numrin e fitores së Frymës së Re Demokratike.

Kandidati për deputet Aleksandër Sallabanda qe prin listën e FRD-së për qarkun e Beratit duke përshendetur pjesëmarrësit në tubim tha ndër të tjera se sot është dita të mbeshtetet Fryma e Fe Demokratike sepse kështu i jepet fund tranzicionit të gjatë shqiptar. Ai foli gjithashtu edhe për situatën e rëndë ekonomike të Beratit duke thënë së mungon plani zhvillues si dhe interesimi i qeverisë per zhvillim.

Kryetari i Frymës së Re Demokratike Bamir Topi zhvilloi sot paradite një takim me grupin e përfaqësuesve të OSBE/ODHIR të kryesuar nga ekspertja amerikane Conny McCormak. Biseda u përqëndrua në ecurinë e proçesit parazgjedhor.

Pas takimit kryetari i FRD-së deklaroi për mediat se gjatë shkëmbimit të mendimeve ka shprehur këndvështrimet e partisë që ai drejton, lidhur me situatën zgjedhore në vend .Ai ritheksoi krizën në KQZ duke e cilësuar moszgjidhjen e saj një prelud të keq për ecurinë zgjedhore, ndërsa shprehu shqetësim edhe për manipulimet e mundshme.

Lidhur me këtë preokupim z. Topi deklaroi se funksionimi i cunguar i KQZ-së vë në dyshim mbrojtjen e interesave të qytetarëve që nuk përfaqësohen në pushtet. Por gjithsesi kryetari i FRD-së është i bindur se askush nuk mund të ndalë fluksin e qytetarëve në tendencën e tyre natyrale drejt një fitoreje të FRD-së. Duke përmendur 50 mijë njerëz të dubluar dhe 200 mijë të tjerë pa adresa z.Topi e quajti të pakuptimtë vendimin e partive parlamentare për të miratuar të hënën tre ligjet ndërkohë që nuk e shfrytëzojnë këtë seancë plenare edhe për zgjidhjen e cështjes së KQZ-së.

Në fund z.Topi i shprehu përfaqësueseve ndërkombëtarë që mbikqyrin zgjedhjet vlerësimet për përgjegjësinë që ata kanë në procesin zgjedhor duke shprehur vullnetin për një bashkëpunim të ngushtë me ta.

Fryma e Re Demokratike çeli sot fushatën zgjedhore në qytetin e Durrësit duke prezantuar edhe kandidatët e saj për këtë qark.Nga Durrëst kryetari Bamir Topi vlerësoi qytetarët durrrsakë dhe i uroi suksese ekipit të Frymës së Re në këtë qark të udhëhequr nga sekretari i përgjithshëm i FRD Gazmend Oketa. Ai akuzoi politikën e vjetër për nxjerrjen e parlamentit jashtë funksionit dhe siguroi qytetarët durrsakë se FRD do ti rikthejë parlamentit etikën e komunikimit dhe do të vendosë interesat e qytetarëve mbi interesat meskine të politikanëve të vjetër. Parlamenti shqiptar ka nevojë për një zë të tretë që ti thotë politkanëve të vjetër se nuk jeni vetëm ju që përfaqësoni gjithë shoqërinë shqiptare.
Ne do të shkojmë ne zgjedhje në 23 qershor tha kryetari i FRD për të ndryshuar situatën e për thyer bipolarizmin i cili ka shkaktuar trauma në politikën dhe ekonominë shqiptare. Politika, u shpreh z.Topi duhet ti ngjajë një lumi të rrjedhshëm që të ketë mundësi të rigjenerojë elita dhe vlera dhe të mos mbetet peng i një njeriu.Ai akuzoi kryeministrin dhe ministrat e tij të cilët kanë humbur lidhjet me zgjedhësit dhe kërkojnë tu blejnë votën qytetarëve për të ricikluar pushtetin.
Duke iu referuar zgjedhjeve të 23 qershorit kryetari i FRD-së tha: “Ne kemi të dhënat tona dhe nuk impresionohemi nga frika e të tjerëve për të realizuar sondazhe ,qarku i Durrësit do të shkojë në zgjedhje për ti garantuar FRD-së së paku 2 deputetetë në kuvendin e Shqipërisë.”
Nga foltorja ne Durrës z. Topi ju drejtua gjithë demokrateve te Shqipërise duke I thënë të bashkohen me FRD-në sepse ajo eshtë shtëpia e vërtetë dhe e vetme e të djathtës shqiptare.
Së fundi kryetari i FRD-sw e përfundoi fjalën e tij me një thirrje ndaj qytetarëve shqiptarë për të mbështetur FRD në zgjedhjet e 23 qershorit pasi ajo nuk lufton për pushtet por për ti dhënë fund këtij tranzicioni të vështirë.

Ndërsa sekretari i përgjithshëm i FRD-së, kandidati që udhëheq listën e Durrësit u tha bashkëqytetarëve të tij se FRD është e vetmja forcë politike e cila ka publikuar një program politik të detajuar dhe ka një kontratë politike me qytetarin,ndryshe nga partitë e vjetra të cilat kanë si ofertë të vetme presionin e pushtetit dhe blerjen e votës.

Ai shprehu besimin se qytetarët shqiptarë do të zgjedhin FRD-në, alternativën më serioze, më elitare dhe më përfaqësuese. Fitorja e alternativës së FRD në Durrës, nuk do të jetë fitore e jona personale, por do të jetë një fitore e qytetarisë durrsake, e cila ka ditur gjithmonë të bëj diferencën përfundoi z.Oketa.

Ai akuzoi drejtpërdrejt kryeministrin dhe kryetarin e opozitës të cilët sipas tij po shkelin me të dyja këmbët ligjin zgjedhor duke filluar nga shpenzimet marramendëse e deri tek uzurpimi i hapsirave mediatike në favor të tyre. Përsa i përket krizës në komisionin qendror të zgjedhjeve z.Topi tha: “Nuk besoj që në këto 22 vite të ketë pasur një situatë kaq të zymtë me KQZ “

Duke akuzuar partitë politike që kanë ndërtuar kodin zgjedhor kryetari I FRD-së tha mënyra se si është ndërtuar kontigjenti i partive në koalicione do të sjellë parlamentin më të dobët në këto 22 vite.

Ne nuk qahemi ,ne vetëm ekspozojmë situatën ashtu siç është..KQZ e sotme u shpreh z.Topi, është totalisht më e keqe se ajo kur presidenti dhe KLD kishin në këtë institucion, përfaqësuesit e tyre .

KQZ, përfundoi z. Topi deklaratën për shtyp ,duhet të plotësohet në të kundërt nuk mund të ketë asnjë shpresë se gjërat do të përmirësohen, duke perfirazuar: KQZ është themeli i aktivitetit që lidhet me zgjedhjet,nëqoftëse shembet themeli,ndërtesa rrëzohet.

Roberto Batelli, koordinatori special i OSBE-së udhëheq misionin afatshkurtër të vëzhgimit të zgjedhjeve në Shqipëri.

Fryma e re Demokratike duke marrë shkas nga sondazhi i dytë i një kompanie Italiane bërë publik nëpërmjet TV ORA NEËS, denoncon publikisht shifrat e publikuara në këtë sondazh për subjektin tonë politik si të pavërteta, tendencioze dhe që synojnë të shtrembërojnë realitetin e vullnetit të zgjedhësve shqiptare.

Duket se pas shumë tentativash të përsëritura, për të manipuluar zgjedhjet, për të eleminuar partitë e reja me anë të ndryshimeve në Kodin Zgjedhor, duke lënë të bllokuar KQZ pa kuorumin e nevojshëm, duke deshtuar sistemet elektronike të zgjedhjeve, duke dubluar listat e zgjedhësve, duke mbledhur kartat e identitetit të administratës, duke hequr njerëz nga puna dhe duke bërë presion edhe nërpërmjet gjobave ndaj biznesit, së fundi kanë gjetur edhe nje mekanizëm të ri, i cili është manipulimi i mendjes dhe vullnetit politik të zgjedhësve shqiptare me anë të dezinformimit publik.

Partia jone i siguron 15 mijë anëtarët e saj në Tiranë, 80 mijë anëtarët e saj në të gjithë vendin, të gjithë simpatizantët dhe mbështetësit që po shtohen nën frymën tonë cdo ditë se vota dhe vullneti i tyre është i qartë, i dukshëm dhe i garantuar. Askush nuk duhet të guxojë që nëpërmjet psudo-sondazheve të deformojë këtë fluks kaq të madh mbështetje ndaj FRD-së, qoftë dhe nën petkun e kompanive të huaja.

Në si parti nuk dëshirojmë që historia e nënvleftësimit të subjekteve të reja politike, të përsëritet edhe në 2013, duke e konsideruar FRD-në një pike uji në oqean. Ajo cfarë identifikohet lehtësisht nëpërmjet shifrave të anëtarësisë, mbështetjes në publik, analizave shkencore të bazuara në metodika llogjike dhe të kuptueshme është një tjetër realitet, i cili e nxjerr FRD jo vetëm një forcë politike surprizë në keto zgjedhje por dhe me një përgjegjësi të madhe për vendimarrjen e nesërme kuvendore dhe qeverisëse të vendit.

Së fundi i bëjmë thirrje të gjithë politikanave, të rinj dhe të vjetër, analistëve dhe sozive të tyre, cdo kompanie vendase apo të huaj që operon në fushen e sondazheve, që përpara se të marrin në analize peshën e FRD-së në këto zgjedhje të paraqiten në selite tona në ëe gjithë vendin dhe të konsultohen me të dhënat e fundit që ne disponojmë lidhur me situaten faktike të dominances tonë në elektoratin shqiptar.

Cdo përpjekje tjetër për ta parë FRD në një botë virtuale, sipas shijeve politike të njerit apo tjetrit, nuk është gjë tjetër vetëm se shprehje e një paniku të madh që po zë vend me shpejtësi në realitetin e partive të vjetra për shkak se shifrat e tyre reale po tregojnë me kokfortësi se në këto zgjedhje ato nuk janë fituese, madje as me pazare mandatesh midis tyre.

Ervin Karamuço

Sekretar për çështjet zgjedhore në FRD

Fryma e Re Demokratike prezantoi në Fier 16 kandidatët për deputetë që do të garojnë në zgjedhjet e 23 qershorit në këtë qark. Qyteti dhe anëtarësia e FRD-së në Fier mirëpritën me entuziazëm dhe brohoritje për fitore, kryetarin e FRD Bamir Topi. Masiviteti i sallës së teatrit Bylis dëshmoi forcën dhe përqafimin e kësaj alternative nga komuniteti i qarkut.

Nga Fieri z. Topi falenderoi anëtarët e FRD-së të cilët pa u lodhur i kanë dhënë forcë dhe jetë kësaj partie u tha qytetarëve fierakë se FRD është sot një forcë politike konkuruese dinjitoze dhe kompetitive për zgjedhjet e 23 qershorit.Ai e fokusoi diskutimin e tij tek kriza e KQZ duke ndarë të njëjtin shqetësim me partnerët ndërkombëtarë dhe vecanërisht SHBA.“Problemet me KQZ-në tregojnë se demorkacia në Shqip[ëri është në rrezik, institucioni më i lartë zgjedhor qëndron vetëm mbi një gjymtyrë, ndërsa kryeministri nuk njeh rrugë tjetër vec manipulimit” tha Topi.Kjo situatë theksoi më tej kreytari i FRD-së nuk paraqet asnjë lloj garancie që zgjedhjet të jenë të lira dhe të ndershme.Ai këmbënguli në rikompozimin e KQZ si një nevojë urgjente duke akuzuar në mënyrë direkte kryeminsitrin dhe kryetarin e opozitës se e kanë kthyer procesin zgjedhor në pazar politik në funksion të karrigeve të tyre.

Populli shqiptar tha z.Topi ka arritur të kuptojë që vërtetë sistemi ka ndryshuar dhe jemi vend i NATO-s por ende në politikën shqiptare është një individ që përvec profilit të tij komunist, vazhdon të diktojë e nënshtrojë të githa instiucionet.

Kryetari i FRD-së shprehu besimin se qytetarët fierakë do të dinë të vlerësojnë profilin, dinjitetin dhe programin e FRD-së duke bërë dallim me partitë me filozofi tjetër.Z.Topi u ndal edhe në mosshfrytëzimin e pasurive natyrore që zotëron qarku i Fierit duke bërë përgjegjëse politikën konfliktuale të dy partive të vjetra.Ai dha shembullin tipik të këtij konfliktualiteti duke thëne se pushteti vendor në Fier është një qeverisje me dy koka. FRD u shpreh z.Topi pas 23 qershorit do të riktheje frymën e kushtetutës dhe ligjit, do të jetë promotor i nxitjes së procedurave ligjvënëse, duke ndëshkuar gjithkënd që ka abuzuar me pushtetin.Kini durim ,u tha pjesëmarrësve në tubim kryetari i FRD-së, asgjë nuk do të kalojë pa u ndëshkuar sepse kjo është një kauzë publike e Frymës së Re Demokratike.

FRD angazhohet për një fushatë të thjeshtë por intensive,e cila do ti qartësojë qytetarëve pjekurinë mbi të cilën ngrihet kontrata e saj me qytetarët nënvizoi z.Topi duke përfunduar se FRD ka përparësi ndershmërinë dhe jo blerjen e votës, ajo ka një program të qartë ndaj dhe duhet të dilni dhe të kërkoni me krenari votën seicilit për një jetë më të mirë dhe për një të ardhme më të sigurtë për të gjithë.

Takimin e përshëndeti edhe z.Shezai Cobo, kandidati që udhëheq listën e FRD në qarkun e Fierit.Ai pasi i falenderoi për pjesëmarrjen në tubim u kërkoi fierakëve ta mbështesin masivisht me votë në mënyrë që FRD ti përfaqësojë ata me institucionin më të lartë ligjvënës.